Translate

Saturday, July 11, 2009

Balajalan Sains om Matematik id suang boos Onggilis.

Excp Balajalan Pogun Sabah Datuk Masidi Manjun (gambal) minonoimo tavavasi kotontuan kopolintaan hongkod montok popotood kopongiaan om balajalan Sains om Matematik id suang boos Onggilis.

Minoboos isido, haang dino apatut saasabap no do kakal ogumu sikul hoohobi nokozo id uvang dahabus kakadazan okuangan mongingia nohuda id suang boogizan dino. “Tumanud kopoihaan sisimba i notoimo ku, kogumuan mongingia i mongia do balajalan Matematik om Sains id suang boos Onggilis nopo nga id tinimungan mongingia id suang boogizan di suvai. “Sasabap no dino hobi vinasi boogizan komontilian popotounda hobi ginumu mongingia kipotutan toi ko nohuda id suang boogizan dino, vagu nogi tokou monoodo dino,” ka disido.

Minoboos isido dino kuminaa magaganu abal kahapas pinopoimagondo Lamai Minggu Pintutunan Sesi Vuhan Kotuu 2009 Politeknik Kota Kinabalu di Dewan Rafflesia, Politeknik Kota Kinabalu, id doiti dikoniab. Masidi i nogi Montili Kotombuhuzan, Koubasanan om Sandad Posoihi minoboos, okuangan. Masidi i nogi Montili Kotombuhuzan, Koubasanan om Sandad Posoihi minoboos, kokuangan mongingia i kipotutanm ontok mongia mato balajalan Sains om Matematik id suang boos Onggilis hoohobi no kozo id uvang dahabus kakadazan id pogun diti kopoimbuhai do kobohingkangan kumaa susumikul id uvang dino.

“Kogumuan i mongia balajalan dino nopo nopo nga izioho i okon mantad boogizan dino nga nopihi montok maganu kalaja dino tu aiso do vinakas boogizan dino. “Koozuzuvo diti au koponuhung monguhan kobohingkangan diti tu mongingia dino au anangan tu ino okon ko pihi dioho om kabaahan dioho nga au kadampot kumaa boogizan di kosontob saasabap no do izioho okon nohuda montok mongia mato balajalan dino,” ka disido.

Kopiondot dino mangatag isido mooi hobi ginumu vinakas mongingia onuan kosivatan montok boogizan dino.

2 comments:

musli oli said...

walaupun emak saya orang dusun, dan boleh bercakap dusun tapi susah juga mau baca tulisan ini...anyway Tahniah. Sebenarnya bahasa perantaran tak penting, yang penting ialah ilmu yang dipelajari...namun saya tetap berpendapat PPSMI perlu diajar dalam bahasa Inggeris sebagai memudahkan pelajar memasuki asasi sains dan matrikulasi.

Detguaq said...

emmmm.....aaaaa.....iiissshhhh...ok ok saya sokong!